Despois do «si»: como é o primeiro mes con Nemus

Cando falamos con empresas que están considerando adquirir unha ferramenta de dixitalización, hai unha idea que aparece por riba do prezo. O que máis preocupa ás empresas é a súa implantación: contratala e despois non saber adaptarse a ela.

É unha obxección razoable. Cada paso que se dá en dixitalización supón unha gran curva de aprendizaxe para as empresas.

Moitas pemes do sector forestal-madeireiro aínda non deron o paso á dixitalización. Non é resistencia ao cambio: é prudencia. Cambiar a forma de traballar dun equipo que leva anos co seu sistema (papel, libreta, chamadas, Excel) non é unha decisión menor. E a esa preocupación súmase outra: a de contratar un software sen saber se o equipo o entenderá, se as pantallas serán claras, se haberá alguén ao outro lado cando apareza unha dúbida.

Son medos lexítimos. E son os dous que un bo proceso de implantación ten que aliviar.

Por iso, cando unha empresa nos pregunta como é comezar a traballar con Nemus, non falamos de pantallas nin de procesos. Falamos de como serán os primeiros meses.

1. Visita ao monte, non á oficina

O primeiro que pasa despois de decidir traballar con Nemus é que un membro, ou dous, do equipo de implantación vai visitarte. Non a unha sala de reunións: ao terreo. A entender como traballa a túa empresa hoxe. Que pasa cando chega un transportista, como se xestiona o albará, onde están os datos que xa tes. Se non entendemos como traballas, non podemos axudarte a ordenalo.

2. Configuración cos teus datos, non con datos de demostración

Nemus configúrase coa información real da túa empresa: os teus montes, as túas vías de saca, os teus lotes, os teus clientes. Non é unha plataforma xenérica á que ti teñas que adaptar a túa operativa. É unha plataforma que se adapta á operativa que xa tes.

3. Formación en contexto, non en sala

A formación co teu equipo faise onde se fai o traballo: no monte, na oficina, na planta. Cos datos reais que se van usar. Non con exemplos teóricos. Se unha persoa do teu equipo ten que aprender a marcar toda a información e a xeorreferenciación dun lote en Nemus, aprendeo cargando un lote real, non vendo unha presentación de PowerPoint.

4. Un mes de acompañamento, non un teléfono de soporte

Durante as primeiras semanas tes asignado un acompañante do equipo de Nemus. Non é un teléfono ao que chamas cando hai un problema: é unha persoa que sabe como traballas e resolve as dúbidas conforme van aparecendo. As dúbidas do día a día, non as do manual.

«Isto é para empresas grandes»

Ás veces dinnolo así, literal. Non é certo. A implantación axústase ao tamaño e á velocidade de cada empresa: unha peme con tres persoas non necesita o mesmo despregamento que unha industria con cento vinte traballadores, e sabémolo porque coñecemos o sector a fondo.

«O meu equipo non é moito de pantallas», tamén o escoitamos a miúdo. É xustamente por iso que a formación se fai in situ, na contorna de traballo, e non nunha sala de reunións. A pantalla deixa de dar medo cando se usa para algo que xa se fai, non para algo que hai que aprender desde cero.

Nemus non remata cando asinas. Comeza cando asinas

Nemus comeza cunha persoa do equipo que vai verte ao monte. Porque dixitalizarse ben non é cuestión de software: é cuestión de quen te acompaña mentres o fas e de quen está ao teu carón para calquera dúbida que xurda.

Corta, transporta, entrega. Nemus encárgase do resto.

Queres saber como sería o teu primeiro mes con Nemus? Non che enviamos un PDF. Propomosche unha chamada de 20 minutos para entender o teu caso. Pide a túa conversa 👉 aquí